Kamis, 30 Agustus 2018

Pujawali Hyang Kawitan Sri Karang Buncing Blahbatuh 24 July 2018 - 27 July 2018

Hatur Pakeling,
Mangkin Anggara Keliwon Tambir Pujawali Hyang Kawitan Sri Karang Buncing, Blahbatuh, dumogi sameton Karang Buncing, Dukuh sajebag Bali sida tangkil hatur sembah bhakti majeng ring Ida Hyang Kawitan, dumogi ngamolihan kerahayuan maka sami ,,nyejer selami 3 rahina (27/7) nyineb
Sedikit ring usana Bali indik Bhisama Bhatara lan sane ngawangun kawitan ,,Caritanen sampun pejah Ki Kbo Iwo muah Ki Pasung Gerigis sampun angemanin palatra mangen angen citanira Arya Karang Buncing, pejahikna pangindra jala Ki Kbo Taruna muah Ki Pasung Gerigis, sampun alah punang pulina Bali, denira patih Gajah Mada mangke muah Arya Karang Buncing amukti maring Blahbatuh,
mangke hana citanira didinia angewangun aken bisama ring preti wangsanira sedaya marmane tan keneng pangindra jala, mangke sentanan ingsun ngwangun akena parahyangan Pura Karang Buncing palinggihan Hyang Kawitan ira Karang Buncing wit I Gusti Karang Buncing,
kasungsung kasiwi ring preti sentananira kayang kawekas-wekas, tan sah sira anyungsung Hyang Kawitan ring Pura Karang Buncing, wenang ring Pura Karang Gaduh, turun-temurun, apan sira hulunaning Bali nguni.
Hana pitekenia Kawitan sira Karang Buncing, kita sentanan ingsun makabehan away kita tan eling ring kawitan anyungsung anyiwi ring Pura Karang Buncing, ring Pura Karang Gaduh, makadi ring Gunung Lempuyang, yan kita lali, wastu sira anadi jatma sudra jati, rered pabuktianta, mentik, mentik, punggel.














0 komentar:

Posting Komentar

Share

Twitter Delicious Facebook Digg Stumbleupon Favorites More